Walaloon Jaalala Telegram Channel Link

Gaafa cidha keetii

Tarii yoo na yaadde, nagaa dhaamuu feetee
Jila koo hafe hin se'in, hin tilmaamin gonkumaa
Sirraa fagaachuurra jedhee ani anakoo gatee
Ittiin booka akka dhugdu meeshaa ta'een argama
Mi'a cabaa
Fira dhabaa!

Gaafa cidha keetii, xoofoon cabaa siif dhiyaannaan
Hin komatin warra jilaa, haa dhimmisu waancaan kee
Inni hojii harka keetii, situ tolchewoo kalaqa kee!

Wacaafi wal'aansoo machooftuun
Kan hunkutaa'e akka hin seene
Mararfadhu birciqqoo kee
Anatu isa; ana fooniin akka'n eegne!

Dagaagaa Zarihuun 🖋🥰
@Walaloon_Jaalala

“Namatu, Waaqa gane”
jedhu, qabanii wal-jalaa
baasanii dosee 'wanjalaa’

Yoon oduu akkasii dhaga'u,
waanti gaaffii natti ta'u,

Ganuu dura,
Amanuutu jira
Kanaafuu;
Akkasaaniitti,
yemmuu namni Waaqa gane
Himuuree,
Waaqni yoom akka nama amane!?
* * *
Kanaa'ol Badhaadhaa ti.
Malkaa Noonnoo
@Walaloon_Jaalala

Dhiifama naa'n godhin!

Ati nama turte
Nama hiika sirrii,
Tasgabbooftuu guyyuu
Kan hin oofne miirri;

Ati nama turte
Kan jaalala beektu,
Faallaa hamminaatiin
Gaarii kan akeektu;

Ati nama turte
Amala bayeettii,
Ishee shira hin beekne
Hamman si argetti.

Garuu...
Ati nama taanaan
Animmoo binoome,
Ati arjaa turte
Anatu doqnoome!

Jaalala naaf qabdu
Natu jibbaan faale,
Gaarii'ti naaf yaadden
Hamminatti ilaale;

Natu kunuunsakee
Miidhamatti hiikkate,
Ati natti siqnaan
Natu si dhiibbate!

Egaa..
Erga ati deemtee
Taa'een quba nyaadha,
Iftikoo godaanee
Dukkanan fakkaadha;

Badiikoo kaleessaa
Lakkaa'een rifadha,
Namni naaf hin beeku
Kophaakoon dhiphadha.

Ta'us...
"Ni sirrate" jettee
Hin dhufin garakoo,
Gaararraa waan ta'eef
Si miidha amallikoo!

Dhiphinakoo ilaaltee
Naaf hin gaddin tiru,
Sit' fakkaate malee
Jijjiiramaa hin jiru

"Badiisaa amanee
Gaabbeera" hin jedhin
Anuu ofii hin godhuu
Dhiifama naan godhin!

Lammata deebi'ee
Si miidhuu hin danda'u,
Adabbiinkoo dhumaa
Si dhabuu haa ta'u!

Abdii Tafarii

DU’ICHAA SIIF WAYYA.

Agarteettaay...!
‘...shee dhiisi bakkashee naan fudhadhu!
Golakee sanatti anaan gaadi’adhu.’
du’an kaleessa siif akkas jedhuun
Naaf isa; siif jiruu ittiin fedhuun,

Har’a hiraara si dhabuukoo gaafan arguu,
Halkan guyyaa gaafan yaadakeen harqu.
Du’ichan siif jaalladhe.
Jirucharra, isan siif filadhe.

Baga!
Abdii Oromiyaa 📝🖋

Akkam taate sidisee,sittis orma dhiichisee?
Akkam taate Adaraa,Hundatu si dararaa?
Gaaf-tokko Gaafa keessaa Sidiseekoo,
Waa’ee kee natti odeessaa diichiseeto.

Akka galgala waa’ii Sidisee gad waamanii,
Akka haxxa’uu wayii Gudeedashee godhanii,
Sidiseen Miira seete mormasaa jala lixxee,
Seenaa Gola manashee tokko lamaan itti himte.

Galgalichis bari’ee, lukkuunis iyyiteeti
Waan Dukkana sana Hubachuuf gad teessi
Qor-qalbishee of qortee,Arrabashees soqoltee,
Maalfaa akka dubbatte si’a tokkof hubate.

Ergasii Siddiseenkoo....,

Maraatuu taatee Utaaluuf kaatee, qaban dadhabanii,
Gabaati baate ofitti waamte ofiin of dhantee,
Sidiseenkoo,Bilchaattu of seete hundaatti seseeqxe.
Dadhabbii jaarraashee Kan Kutaanon fide,
Galgala tokkotti Diina isheetti himtee ofiis boollaa lixee.🥹
Sidisekoof🤝
Akkasi…

Sifan K Deba✍🏿✍🏿

An…
Waajjira kee yennaan dhufu, dosee bututtuu qabadhee,
Hanga iyyata koo naaf dubbistutti, teessoo kee waakkadhee, yoon dhaabbadhee…

Ilaa giiftii, siif haa galu
Kan naaf malu…
Boqonnaa miilla koo caalaa, anaaf inni barbaachisu,
Boqonnaa onnee akka ta’e, ayyaanni koo si haa barsiisu
Abidda keessa koo sitti haa qabsiisu,
Waan miira koo, uumaan si haa dhamdhamsiisu👌🏿

Kanaaf…
Dosee ciccitaa sana dafii banii hafuura achi’rraa fuunfadhu,
Yoo cinaacha koo taate, iyyattoota kaawwanitti karra cufi na dhuunfadhu…

Malee,
Iyyata kaawwanis dubbisuu yoo itti hin fuftee,
Na dhaabbistee baallee iyyattoota biraatti achi yoo luftee….
Ulaa laphee koo cuftee
Qaata keessi koos si tuftee
Kanaaf…

Waajjirri kee hangan dhuftii qofa banama
Gaafa darabeen na ga’e bara baraaf ni cufama


Keenboon Abrahaam

Uumaa koo nan kufe
Ol-ka'uu yaaluuttan
Kufaatii itti fufe
.....
Foon koo foolii bade
Silas kan biyyeetii
Lubbuu koo fudhadhu
Ishee ayyaana keetii!

𝐀𝐍𝐈 𝐒𝐈 𝐉𝐀𝐋𝐀𝐀𝐃𝐇𝐄𝐄𝐑𝐀𝐀!

𝑭𝒊𝒊𝒙𝒆𝒆 𝒎𝒖𝒌𝒂 𝒔𝒆𝒆𝒕𝒆
𝑲𝒂𝒂𝒏 𝒎𝒖𝒓𝒂𝒂𝒎𝒆 𝑳𝒂𝒍𝒊𝒔𝒖𝒖
𝑱𝒂𝒂𝒍𝒂𝒂𝒍𝒖𝒎𝒎𝒂 𝒌𝒆𝒆𝒕𝒊𝒊
𝑲𝒂𝒂𝒏 𝒐𝒏𝒏𝒆𝒆 𝒌𝒐𝒐 𝒈𝒂𝒃𝒊𝒊𝒔𝒖𝒖

𝑲𝒐𝒐 𝒕𝒂𝒂'𝒖 𝒌𝒆𝒆 𝒃𝒂𝒓𝒆𝒆𝒏
𝑰𝒋𝒂𝒂𝒏 𝒔𝒊 𝒎𝒊𝒍𝒂𝒂𝒅𝒉𝒆𝒆
𝑾𝒂𝒂𝒏𝒕𝒂 𝒉𝒖𝒏𝒅𝒂𝒂 𝒌𝒆𝒆𝒔𝒔𝒂𝒂
𝑩𝒂𝒈𝒂𝒏 𝒔𝒊 𝒇𝒊𝒍𝒂𝒂𝒅𝒉𝒆𝒆

𝑮𝒂𝒍𝒎𝒂𝒂 𝒌𝒐𝒐 𝒅𝒖𝒓-𝑫𝒖𝒓𝒊𝒊
𝑨𝒃𝒋𝒖𝒖 𝒃𝒂𝒓𝒂 𝒅𝒉𝒆𝒆𝒓𝒂𝒂
𝑮𝒊𝒇𝒕𝒊𝒊 𝒋𝒊𝒓𝒆𝒆𝒏𝒚𝒂𝒂𝒌𝒐𝒐
𝑨𝒏𝒊 𝒔𝒊𝒏 𝒂𝒓𝒈𝒂𝒂𝒅𝒉𝒆𝒆𝒓𝒂

𝑨𝒕𝒊 𝒒𝒂𝒓𝒐𝒐 𝒌𝒐𝒐𝒕𝒊
𝑺𝒐𝒎𝒃𝒂𝒂 𝒌𝒊𝒚𝒚𝒂𝒇 𝒕𝒊𝒓𝒖𝒖
𝑺𝒊𝒎𝒂𝒂𝒍𝒆 𝒋𝒊𝒓𝒆𝒆𝒏𝒚𝒊𝒊 𝒌𝒐𝒐
𝑮𝒐𝒏𝒌𝒖𝒎𝒂𝒂 𝒉𝒊𝒏 𝒋𝒊𝒓𝒖𝒖

𝑱𝒂𝒂𝒍𝒂𝒂𝒍𝒂 𝒌𝒆𝒆𝒇 𝒋𝒆𝒄𝒉𝒂𝒂𝒏
𝑶𝒍𝒊𝒊𝒇 𝒈𝒂𝒂𝒅𝒊 𝒇𝒊𝒊𝒈𝒂𝒂
𝑭𝒂𝒚𝒚𝒂𝒂 𝒌𝒂𝒏 𝒌𝒐𝒐 𝒅𝒉𝒊𝒔𝒆𝒆𝒏
𝑶𝒏𝒏𝒆𝒆 𝒌𝒐𝒐𝒏 𝒏𝒂 𝒅𝒉𝒊𝒊𝒈𝒂𝒂

𝑺𝒊𝒇𝒂𝒂𝒏 𝒐𝒍𝒂𝒂 𝒐𝒍𝒎𝒂𝒂
𝑶𝒍𝒎𝒂𝒂 𝒃𝒂𝒓𝒂 𝒅𝒉𝒆𝒆𝒓𝒂𝒂
𝑮𝒊𝒇𝒕𝒊𝒊 𝒋𝒊𝒓𝒆𝒆𝒏𝒚𝒂𝒂𝒌𝒐𝒐 𝒂𝒏𝒊
𝑺𝒊𝒏 𝒂𝒓𝒈𝒂𝒂𝒅𝒉𝒆𝒆𝒓𝒂 .

By Girma B Tashome
#Poem #Share
@Walaloon_Jaalala

Anaf ati....
Akkamitti wal sassataa adda baanee,
Maalif wal jaallachaa horma taane…?
Atis, anis wal sassatna, waliif yaadna
Akka oogi’oo citnee latna, waliif aadna
Eeyyee kaleessa, malaan malaa waliif malaafna...
Jibba dhorree, abdii borii waliif galaafna...

Ammoo...
Yoon amma taa'ee seeda keenyaan of gaadi'u, gaadii yaadaa
Hibboo hin deebineefan deebii barbaada

…gaaffiin koo
Maaltu jibbaan nu gonofee
Nu gidduutti michii soofee?

Utuu akkas waliif mararamnuu, adda maalumaaf facaane?
Madaa waliif osoo dararamnuu, anaaf ati akkamitti gargar baanee,
Horma taanee?

Har’as…
Atis, anis fagoo teenyee wal jaallachaa wal sassataa...
Adda ba’uu keenyaaf dhoksaan jiru maali laata?
Ni dhufta moo achiin hafta deebi'uu faanaa waakkattee,
Sitti tollaan teesse moo, dhufuuf jetteetu danqamtee?

Keenboon Abrahaam

Beeksisa qaxarrii OBN

#share gochuun namoota barbaadan biraan gayaa. Hojiiwwan qabatamoo ta’an argachuuf chaanaala keenya hordofaa.
@Hojiiwwwan

Waaqni hin kolfu

Seeqa kee ilaaluuf, qoosaa uumuu yaallee,
Deebii kee argachuuf sidura toora gallee
Tasa, gidduu hidhii keetti hiikni hiriiree
Yoo mul'atu ilaalle
Dhugaattuu, ilkaan keetu gammachuu dhale

Hoodi achiin dhalate, kaanitti mufannaa
Kaanitti gammachuu fidee, lamatti nu dhile

Egaa...
Waaqni hin kolfu jedhama
Tasa kolfinaan garuu,
kan keetti fakkeeffama!

Dagaagaa Zarihuun
#Poem #Share
@Walaloon_Jaalala

Waaqni hin kolfu

Seeqa kee ilaaluuf, qoosaa uumuu yaallee,
Deebii kee argachuuf sidura toora gallee
Tasa, gidduu hidhii keetti hiikni hiriiree
Yoo mul'atu ilaalle
Dhugaattuu, ilkaan keetu gammachuu dhale

Hoodi achiin dhalate, kaanitti mufannaa
Kaanitti gammachuu fidee, lamatti nu dhile

Egaa...
Waaqni hin kolfu jedhama
Tasa kolfinaan garuu,
kan keetti fakkeeffama!

Dagaga Zarihun

;

Ba'aa gatiittiinkoo,
Uddeellatee baatu,
Abdii of-dura naqee,
Cillaanfataa kaatu,
Utuu bartee;
Fuulakoo agartu,
Seeqakoon’amntu!
.....
Gadaa

SI QOFA

Kan dadhabee, na hin nuffine
Kan darbatee, na hin kuffifne

Dhoksaa garaa, kan naa eegu
Haala mara, kan naa beeku

Si qofa
Ba’aa kiyya, narraa fuudhee
Kan naaf baatu
Waa’ee kiyyaaf ana caala
Kan naaf yaadu
Si qofa.

✍️ Ebise Teshome
#Poem #Share
@Walaloon_Jaalala