Walaloo Jaalalaa™ Telegram Channel Link

Na yaaduu kee caala
Naa yaaduukee wayya
Wal jala darbuu caalas
Waliin jala darbuu wayya
Na beekuu kee mannaa
Naa beekuukee wayya
Kun hin ta'u taanaan;
Akkamittan dhibeeke fayya


Isa ba'aa natti ta'e
Haalakoo
Naaf Hubadhu
Warqeekoo

......Gaaf tokko......

Si waliin gaaf tokko
Abjuun seenaa taati
Si waliin gaaf tokko
Aduunis nuuf baati

Nu waliin gaaf tokko
Booriif karoorsina
Nu waliin gaaf tokko
Wal waliif boonsina

Anaaf at gaaf tokko
Gaafa eegalle karaa
Waanan yaadee yaadde
Naaf barta siin baraa

Guyyaa dhufu keessa
Guyyaan tokko keenya
Haalalatti hin hafnu
Guyyaa sanan geenya!

Lakki abjuu miti
Kun karoora kooti
Mucaa Hangar gamaa
Kan onneekoof mootii!

Gaaf tokko
Warqeeko

:¨·.·¨: 💔 
 `·.  @Walaloo_Jaalalaa24 ❤️
  ➖➖➖➖➖➖➖➖

An Kaleessa...
Osoon si yakkuu nan yakkitu
Osoon si balfuu nan balfitu
Sin balleessa in dandeessa
Sin hadheessa ni dandeessa
Sin bobeessa atin ifta
Sin fageessa atin dhufta
Ammas
Sin awwaala atin kaata
As deebitee anaa naata
Ammas
Mureetan si gata
In latta lammata
An kaleessa...
Dhugaa keerrat si sarbeera
Ardaa keerraa si darbeera
Si fageessee achi si kaa'ee
Har'a garuu
Dhugaa keetu natti yaa'e...
Ayyaana keetu na golge
Of ilaalaan si'iin arge
Afuura keetu na qabe
Of ilaalaa ofin dhabe
Har'a garuu....
Barichi darbeera
Barri at itti kufte
Badiikoon na bituuf
Baga nagaan dhufte!

:¨·.·¨: 💔 
 `·.  @Walaloo_Jaalalaa24 ❤️
  ➖➖➖➖➖➖➖➖

Yeroo tokko tokko

Jaalala hambisuuf
Kabaja kee gattee
Otooma miidhamtuu
Dhiifama gaafattee
Miira kee moo'attee
Obsaan yoo gad jette...!

Jaalala kees dhabdee
Kabaja kees dhabda
Gaaf san qalbii cabdee
Aariin of adabda!

Yaada namaa mitii
Namayyuu jibbita
Jaalala faarsitee
Gad jechuu gaabbita

:¨·.·¨: 💔 
 `·.  @Walaloo_Jaalalaa24 ❤️
  ➖➖➖➖➖➖➖➖

Teessoo ta'ee, taa'ee
Bakka ati na keessee
Dhufnaan si simadhee
Deemnaan si gesseessee

Komii koo ibsachuuf
Isan jecha dhabee
Miira aariin danfu
Isan gad of qabe

Akkan gaabbu eegda
Akkan of komadhu
Hundaa ni qaqqabdaa
Mee of dhaggeeffadhu!

:¨·.·¨: 💔 
 `·.  @Walaloo_Jaalalaa24 ❤️
  ➖➖➖➖➖➖➖➖

Kan deeme gaggeessee
Kan dhufe shakkuun koo
Boqonnaa fudhachuuf
Qobaatti bahuun koo

Naaf galuu erga didee
Tolaaf hamaan biyyaa
Ofittummaa miti
Of filachuun kiyya

:¨·.·¨: 💔 
 `·.  @Walaloo_Jaalalaa24 ❤️
  ➖➖➖➖➖➖➖➖

Miidhaman mudadhe
Himachuu dadhabee
Yakkamaa of godhee
Gaabbiin of adabee

Miidhamee yakkamee
Ofiin of dararee
Waggoota dabarseen
Miidhamuu koo bare

:¨·.·¨: 💔 
 `·.  @Walaloo_Jaalalaa24 ❤️
  ➖➖➖➖➖➖➖➖

Daandiin kaleessa ture
Karaan jaalalaan deemne
Gaaddisni jala teenyee
Seena walitti himne

Hundisaa seenaa ta'ee
Jibbaaf bakka gadhiise
Yandoon hammeenyaa roobee
Abdii keenya ajjeese!

Riqichi jaalalaa
Inni abdiidhaan ceene
Mukkeen mimmiidhagaan
Inni jeennata seene

Jireenyi gaariin suni
Seenaa miidhagaa ta'e
Gaaddisni bareedaan
Gubaadhaan bakka bu'e
Kanaafan yaadaan bada
Waan darbe lakkaa'ee

:¨·.·¨: 💔 
 `·.  @Walaloo_Jaalalaa24 ❤️
  ➖➖➖➖➖➖➖➖

Kaleessa koo keessa
Har'a otoon barbaaduu
Boru dhufaan eega
Innin ani yaadu!

GARUU...
Yaadan guduunfamee
Waantin hidhee hiiku
Waan ta'e hin wallaalu
Waan ta'ummoo hin beeku

:¨·.·¨: 💔 
 `·.  @Walaloo_Jaalalaa24 ❤️
  ➖➖➖➖➖➖➖➖

Jireenya amma libsuu
Hawwii hamma maqaa
Waan hinjirre barbaacha
Balbala hinjirre saaqa
Gammachuusaaf tirachaa
Boolla du'asaa dhaqa!

:¨·.·¨: 💔 
 `·.  @Walaloo_Jaalalaa24 ❤️
  ➖➖➖➖➖➖➖➖

Rakkoo koo sitti himee
Ergan siin rakkadhee
Dhibee natti cime
Himachuun kakadhe

:¨·.·¨: 💔 
 `·.  @Walaloo_Jaalalaa24 ❤️
  ➖➖➖➖➖➖➖➖

Jaalallii...
Kumoota walitti hidhee
Waliin jiraachisa
Kaan abdii itti fe'ee
Garba namaaf taasisa!

:¨·.·¨: 💔 
 `·.  @Walaloo_Jaalalaa24 ❤️
  ➖➖➖➖➖➖➖➖

Egeree jireenyaa 🌿
Waliin karoorsinee
Yaaddoo qalbii keessaa 💭
Walitti obsinee
Dogoggora baay'ee 🙏
Obsaan wal gorsinee....

Bara tokko fira turre ✍️
Warra waliif hadoodu
Warra waliin ta'ee
Walta'uudhaaf yaadu

Bara kana wal hinbeeknu 🚫
Walis quba hinqabnu
Walis hin gaafannu
Walis hin sossobnu

:¨·.·¨: 💔 
 `·.  @Walaloo_Jaalalaa24 ❤️
  ➖➖➖➖➖➖➖➖

💟Channel kana join gochuudhaan ergaalee barsiisoo ni argattu! 👉As tuquudhaan argachuu dandeessa!

             👇👇
    👉 Click here  👈
   👉  Click here  👈
              👆👆

Welcome 🤝

Madaa koo -
Keessatti dhiigee
Gadda koo -
Kolfaan haguugee

Otuman miidhamuun
Seequuf yaale malee
Miidhama qaama koo
An yooman wallaale?
Gumaachi yakka kee
Yoom lubbuu koof tole?

Miidhama koof beenyaa
Yoon kanfalu gatii
Callisaan darbuun koo
Gammadeetii miti!

:¨·.·¨: 💔 
 `·.  @Walaloo_Jaalalaa24 ❤️
  ➖➖➖➖➖➖➖➖

Daandiin waliin deemne
Abdiin walitti horre
Bakki itti dhaabanne
Walirraa addaan gorre

Fulduraaf wabii miti
Galaan yaadannoo keenyaa
Inni yaadnee dubbanne
Milkaa’inni jireenyaa

Edaa fakkeessaa ture
Sobaan wal sossobne
Kanaaf waan dubbanne
Milkeessuu dadhabne

Garuu ....
Dhufni kees, deemsi kees
Adeemsi kee hunduu
Anaan of dhabsiisuuf
Waan hin goone hinqabdu
Ta'us oolee bulee
Waan harkakee hin dhabdu!

:¨·.·¨: 💔 
 `·.  @Walaloo_Jaalalaa24 ❤️
  ➖➖➖➖➖➖➖➖

Akkan yaade yaaddee
Moosiftee jaalala
Osoo waliin taanee
Ganamaaf galgala
Osoo deemuu baattee
Baay'ee natti tola

Garuu, erga diddee
Deemsa erga filattee
Erga gammachuu dhabdee
Na waliin jiraattee

Erga narraa cittee
Akka damee mukaa
Ofitti si suphuuf
Hin fiigu si duukaa
Erga deemtee beenu
Qobummaa duris beeka

:¨·.·¨: 💔 
 `·.  @Walaloo_Jaalalaa24 ❤️
  ➖➖➖➖➖➖➖➖

"Ati naaf hiryaadhaa..!
Darbees haadhoo kooti
Faaya waliif taana
Akka gurraaf lootii!"

Waliin jechaa turree
Otoo wal leellifnuu
Argaa wal baqannee
Gaafa addaan hafnu...

Abdii kaleessatti
Komiin erga margee
Jechoonni duraanii
Soba ta'uun arge

:¨·.·¨: 💔 
 `·.  @Walaloo_Jaalalaa24 ❤️
  ➖➖➖➖➖➖➖➖

Dhufaatiin koo sitti hintolu
Akkan deemus hin barbaaddu
Waanti yaaddu naaf hin galu
An gammadeef hin gammaddu

Gadda kootiin gammaddullee
Akka feete taatus sichi
Jaalalli kees natt haa hafu
Sirraan deema mee na galchi

:¨·.·¨: 💔 
 `·.  @Walaloo_Jaalalaa24 ❤️
  ➖➖➖➖➖➖➖➖

👋Hi!

🔵 Join the Best Channels below 👇

┃_
┃Reading PDF 📖
┃_
┃Leadership and Psychology 🥇
┃_
┃Walaloo Jaalalaa ❤️
┃_
┃Love Tips 💋
┃_
┃Hariiroo Jaalalaa 🌷
┃_
┃@Amharic_proverb ✉️
┃_
┃Love Heart 😵‍💫
┃_
┃Facts and Knowledge ✅
┃_
┃Siifol Tech 🖥
┃_
┃@Dhimma_Fayyaa 💊
┃_
┃English Class 🎓
┃_
┃Now Speak English 🕖
┃_
┃Jara Tech 🚀
┃_
┃Crypto Earn 💸
┃_
┃@Gaaela_Gaarii 🎀
┃_
┃Getu Official
┃_
┃Arara Tv World Wide ❤️
┃_
┃Spiritual PDF ©
┃_
┃@HamboofAroon1 🚩
┃_
┃Motivational Tips ✔️
┃_
┃@Bilchina_Sammuu 💌
┃_
┃Inspired Life 💜
┃_
┃@Kana_Beektuu24
┃_

Channelee Bohaartii
┃_
┃Kottaakolfaa 😂
┃_
┃Asoosamaafiwalaloo 📜
┃_
┃@Mammaaka_Oromoo ⭐️
┃_
┃@Amharic_Proverb ✔️
┃_
┃Daily News 📊
┃_
┃BBC Afaan Oromoo 🌍