National Commercial Arbitration Centre (NCAC) Telegram Channel Link

[English below]

អបអរខួបលើកទី២២ នៃព្រះ​រាជ​ពិធី​គ្រង​ព្រះ​បរម​រាជ​សម្បត្តិ​របស់​ ព្រះ​ករុណា​ព្រះ​បាទ​សម្តេច​ព្រះ​បរមនាថ នរោត្តម សីហមុនី ព្រះ​មហាក្សត្រ​នៃ​ព្រះរាជាណាចក្រ​កម្ពុជា។

***

Happy 22nd Anniversary of Coronation Day of His Majesty King Norodom Sihamoni, King of the Kingdom of Cambodia.
__
Join our social media channels:
LinkedIn: https://www.linkedin.com/company/ncac-kh
Facebook: facebook.com/ncackh
Telegram: https://t.me/ncackh

[English below]

សូមថ្វាយមហាព្រះរាជកុសល នាខួបលើកទី ១៤ នៃទិវាប្រារព្ធពិធីគោរពព្រះវិញ្ញាណក្ខន្ធ ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ»។

***

14th Anniversary of the Commemoration Day of the King Father Norodom Sihanouk, the King Father of National Independence, Territorial Integrity, and National Unity of Cambodia,
“Preah Borom Ratanak Kaudh”.
____
Join our social media channels:
LinkedIn: https://www.linkedin.com/company/ncac-kh
Facebook: facebook.com/ncackh
Telegram: https://t.me/ncackh

វគ្គបណ្តុះបណ្តាលស្តីពី យន្តការសម្របសម្រួល និងដោះស្រាយវិវាទពាណិជ្ជកម្មក្រៅប្រព័ន្ធតុលាការ

នាថ្ងៃអង្គារ ទី៦ ខែតុលា ឆ្នាំ២០២៦ មជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម (ម.ជ.ម.) បានសហការជាមួយវិទ្យាស្ថានបណ្តុះបណ្តាលពាណិជ្ជកម្មនិងស្រាវជ្រាវ នៃក្រសួងពាណិជ្ជកម្ម រៀបចំវគ្គបណ្តុះបណ្តាលស្តីពី «យន្តការសម្របសម្រួល និងដោះស្រាយវិវាទពាណិជ្ជកម្មក្រៅប្រព័ន្ធតុលាការ» នៅទីស្តីការក្រសួងពាណិជ្ជកម្ម។ វគ្គបណ្តុះបណ្តាលនេះ បានចាប់ផ្តើមដោយសុន្ទរកថាស្វាគមន៍របស់ លោកមជ្ឈត្តករ ហ៊ឹប ណារិទ្ធិ វេស៍ ប្រធាន ម.ជ.ម. និងសុន្ទរកថាបើកវគ្គបណ្តុះបណ្តាលរបស់ ឯកឧត្តម ថៅ សុខមុនី រដ្ឋលេខាធិការក្រសួងពាណិជ្ជកម្ម ជាតំណាងដ៏ខ្ពង់ខ្ពស់របស់លោកជំទាវ ចម និម្មល។

នៅក្នុងកម្មវិធីពេលព្រឹក លោកមជ្ឈត្តករ ផន ឈៀងឡេង បានធ្វើបទបង្ហាញអំពីទិដ្ឋភាពទូទៅនៃយន្តការដោះស្រាយវិវាទក្រៅប្រព័ន្ធតុលាការ រួមមាន ការចរចា សន្ធានកម្ម និងមជ្ឈត្តការ ព្រមទាំងច្បាប់ និងវិធានពាក់ព័ន្ធនឹងមជ្ឈត្តការពាណិជ្ជកម្ម។ វគ្គបណ្ដុះបណ្តាលបន្ទាប់ដោយ លោកមជ្ឈត្តករ សាន គីរី បានធ្វើបទបង្ហាញអំពីលក្ខខណ្ឌរបស់មជ្ឈត្តករ ខចែងមជ្ឈត្តការ ព្រមទាំងតួនាទី យុត្តាធិការ និងអំណាចរបស់វេទិកាមជ្ឈត្តកម្ម។

នៅក្នុងកម្មវិធីពេលរសៀល លោកស្រីមជ្ឈត្តករ ព្រំ សាវតា បានណែនាំសិក្ខាកាមអំពីដំណើរការសន្ធានកម្ម និងដំណាក់កាលនីមួយៗនៃដំណើរការមជ្ឈត្តការ ចាប់ពីការចាប់ផ្តើមនីតិវិធី រហូតដល់ការចេញមជ្ឈត្តវិនិច្ឆ័យ និងការដាក់ឱ្យប្រតិបត្តិ។ កម្មវិធីនេះក៏មានសន្ធានកម្មប្រតិដ្ឋលើករណីវិវាទសំណង់មួយផងដែរ ដែលបានបង្ហាញពីរបៀបដែលសន្ធានកម្មអាចជួយគូភាគីឈានដល់ការព្រមព្រៀងដោះស្រាយវិវាទ ព្រមទាំងរក្សាបាននូវទំនាក់ទំនងអាជីវកម្មរវាងគ្នា។ វគ្គបណ្តុះបណ្តាលនេះ ត្រូវបានបិទបញ្ចប់ដោយសុន្ទរកថារបស់ ឯកឧត្តម ឡាយ សុខសៅគន្ធា អគ្គនាយកសវនកម្មផ្ទៃក្នុងនៃក្រសួងពាណិជ្ជកម្ម។

ម.ជ.ម. សូមថ្លែងអំណរគុណដល់ក្រសួងពាណិជ្ជកម្ម និងវិទ្យាស្ថានបណ្តុះបណ្តាលពាណិជ្ជកម្មនិងស្រាវជ្រាវ សម្រាប់កិច្ចសហការដ៏ល្អ ព្រមទាំងគ្រូបណ្តុះបណ្តាល និងសិក្ខាកាមទាំងអស់ ដែលបានចូលរួមយ៉ាងសកម្មក្នុងវគ្គបណ្តុះបណ្តាលនេះ។

__
Join our social media channels:
LinkedIn: https://www.linkedin.com/company/ncac-kh
Facebook: facebook.com/ncackh
Telegram: https://t.me/ncackh

[English Below]

សូមអនុមោទនាបុណ្យភ្ជុំបិណ្ឌ | Happy Pchum Ben Day 🇰🇭
___

មជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម (ម.ជ.ម.) សូមគោរពជូនពរ លោកប្រធាន សមាជិកក្រុមប្រឹក្សាប្រតិបត្តិ សមាជិក ក្រុមការងារអគ្គលេខាធិការដ្ឋាន ម.ជ.ម. និងប្រជាជនកម្ពុជាគ្រប់ៗរូប ជួបតែសេចក្តីសុខសេចក្តីចម្រើន សុខភាពល្អបរិបូណ៍ និងធ្វើដំណើរទីជិតឆ្ងាយប្រកបដោយសុខសុវត្ថិភាព និងសមប្រកបដោយពុទ្ធពរទាំងបួនប្រការ គឺ អាយុ វណ្ណៈ សុខៈ និង ពលៈ កុំបីឃ្លៀងឃ្លាតឡើយ។

***

National Commercial Arbitration Centre (NCAC) wishing President, Executive Board Members, Members, the General Secretariat Team, and each of Cambodian Citizen filled with happiness, healthy, prosperity, having a safe journey and pleasant travel, as well as filled with the four gems of Buddhist blessing: Longevity, Nobility, Health, and Strength.
_
Join our social media channels:
LinkedIn: https://www.linkedin.com/company/ncac-kh
Facebook: facebook.com/ncackh
Telegram: https://t.me/ncackh

ការចូលរួមរំលែកទុក្ខជូនចំពោះលោកមជ្ឈត្តករ កង តារាវុធ និងក្រុមគ្រួសារ
____

ថ្ងៃសុក្រ ៦រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២ ខែតុលា ឆ្នាំ២០២៦ លោកមជ្ឈត្តករ ហ៊ឹប ណារិទ្ធិ វេស៍ ប្រធាននៃមជ្ឈមណ្ឌលជាតិនៃមជ្ឈត្តការផ្នែកពាណិជ្ជកម្ម (ម.ជ.ម.) បានចូលរួមគោរពវិញ្ញាណក្ខន្ធរបស់ ឧបាសក អ៊ូ ឡុកលី ត្រូវជាជីតារបស់លោកមជ្ឈត្តករ កង តារាវុធ ដែលបានទទួលមរណភាព ក្នុងជន្មាយុ ៩១ ឆ្នាំ ដោយជរាពាធ។

ម.ជ.ម. បាននាំយកនូវសាររំលែកទុក្ខ និងថវិកា ជូនទៅកាន់លោកមជ្ឈត្តករ និងក្រុមគ្រួសារ សម្រាប់ការចូលរួមរំលែកទុក្ខដ៏ក្រៀមក្រំនេះ។

ម.ជ.ម. សូមបួងសួងដល់ដួងវិញ្ញាណក្ខន្ធរបស់ជីតាជាទីស្រលាញ់របស់ លោកមជ្ឈត្តករ បានទៅកាន់សុគតិភពកុំបីឃ្លៀងឃ្លាតឡើយ។
__
Join our social media channels:
LinkedIn: https://www.linkedin.com/company/ncac-kh
Facebook: facebook.com/ncackh
Telegram: https://t.me/ncackh

[English Below]

មជ្ឈត្តការប្រតិដ្ឋលើករណីវិវាទសំណង់
| Mock Arbitration on Construction Dispute

នៅក្នុងកម្មវិធីពេលរសៀល នៃសិក្ខាសាលារួមគ្នារវាង ម.ជ.ម. និងអង្គការកម្មវិធីអភិវឌ្ឍន៍សហប្រជាជាតិ (UNDP) ប្រចាំកម្ពុជា ស្តីពី "វិស័យសំណង់ និងការដោះស្រាយវិវាទក្រៅប្រព័ន្ធតុលាការ" កាលពីថ្ងៃទី២៩ ខែកញ្ញា ឆ្នាំ២០២៦ នៅសណ្ឋាគារ រ៉ាហ្វល ឡឺ រ៉ូយ៉ាល់ រាជធានីភ្នំពេញ កម្មវិធីចុងក្រោយនៃសិក្ខាសាលា គឺការធ្វើមជ្ឈត្តការប្រតិដ្ឋ ដែលជាការសម្តែងធ្វើត្រាប់នៃវេទិកាមជ្ឈត្តកម្ម ដើម្បីផ្តល់ឱ្យអ្នកចូលរួមនូវបទពិសោធន៍ជាក់ស្តែងនៃដំណើរការវេទិកាមជ្ឈត្តកម្មក្នុងការដោះស្រាយវិវាទសំណង់ក្រៅប្រព័ន្ធតុលាការ។

ផ្អែកលើករណីសិក្សាអំពីវិវាទសំណង់ជាក់ស្តែងដែលបានចែកជូនជាមុន អ្នកចូលរួមបានដើរតួតាមតួនាទីដែលបានចាត់តាំង ដូចខាងក្រោម៖

វេទិកាមជ្ឈត្តកម្ម៖
១. លោក Trung Nguyen ប្រធានវេទិកាមជ្ឈត្តកម្ម
២. លោកស្រី និត នីតិការ មជ្ឈត្តករ
៣. លោកស្រី ស៊ីន សុរម្យនា មជ្ឈត្តករ

ភាគីប្តឹងទាមទារ៖
៤. លោក HongKit LEONG មេធាវីតំណាងភាគីប្តឹងទាមទារ
៥. លោក ឡុង វិមាន សហមេធាវីតំណាងភាគីប្តឹងទាមទារ
៦. លោកស្រី Eva Moses សាក្សីរបស់ភាគីប្តឹងទាមទារ
៧. លោក Anil CHANGAROTH អ្នកជំនាញរបស់ភាគីប្តឹងទាមទារ

ភាគីឆ្លើយតប៖
៨. លោក Andrew HENG មេធាវីតំណាងភាគីឆ្លើយតប
៩. កញ្ញា Chaima Zelloufi សហមេធាវីតំណាងភាគីឆ្លើយតប
១០. លោកស្រី Haidah Syasiyah សាក្សីរបស់ភាគីឆ្លើយតប
១១. លោកស្រី Lynnda LIM អ្នកជំនាញរបស់ភាគីឆ្លើយតប
១២. លោក Justin ONG YI YU អ្នកបកប្រែរបស់ភាគីឆ្លើយតប

តាមរយៈការធ្វើវេទិកាមជ្ឈត្តកម្មប្រតិដ្ឋនេះ អ្នកចូលរួមទាំងអស់បានស្វែងយល់ដោយផ្ទាល់អំពីដំណើរការនៃវេទិកាមជ្ឈត្តកម្មលើវិវាទសំណង់ រួមទាំងការបង្ហាញអំណះអំណាងរបស់គូភាគីវិវាទ និងការសាកសួរសាក្សី និងអ្នកជំនាញ នៅចំពោះមុខវេទិកាមជ្ឈត្តកម្ម។

ម.ជ.ម. សូមថ្លែងអំណរគុណយ៉ាងជ្រាលជ្រៅចំពោះអ្នកចូលរួមដែលបានដើរតួទាំងអស់ក្នុងមជ្ឈត្តការប្រតិដ្ឋ ព្រមទាំងសិក្ខាកាមទាំងអស់ ដែលបានចូលរួមចំណែកធ្វើឱ្យការធ្វើវេទិកាមជ្ឈត្តកម្មនេះប្រព្រឹត្តទៅប្រកបដោយភាពរស់រវើក និងរលូន។

****

In the afternoon session of the NCAC-UNDP Joint Workshop on Construction and Alternative Dispute Resolution, held on 29 September 2026 at Raffles Hotel Le Royal, Phnom Penh, the final session was a Mock Arbitration, an interactive simulated arbitral tribunal exercise designed to give participants hands-on, practical experience in Alternative Dispute Resolution (ADR).

Based on a realistic construction dispute case study circulated in advance, participants stepped into the following roles:

Arbitral Tribunal:
1. Mr. Trung Nguyen, Presiding Arbitrator
2. Ms. NITH Nitikar, Co-Arbitrator
3. Ms. SIN Soromnear, Co-Arbitrator

Claimant:
4. Mr. HongKit LEONG, Claimant Counsel
5. Mr. LONG Vimean, Claimant Co-counsel
6. Ms. Eva Moses, Factual Witness
7. Mr. Anil CHANGAROTH, Expert

Respondent:
8. Mr. Andrew HENG, Respondent Counsel
9. Miss Chaima Zelloufi, Respondent Co-counsel
10. Ms. Haidah Syasiyah, Factual Witness
11. Ms. Lynnda LIM, Expert
12. Mr. Justin ONG YI YU, Translator

Through this exercise, all participants gained first-hand insight into how a construction arbitration hearing is conducted, including the presentation of each Party's arguments and the examination of witnesses and experts before the arbitral tribunal.

We sincerely thank the participants who took part in the mock arbitration, as well as all other attendees, for making this session lively and helping it run smoothly.
__
Join our social media channels:
LinkedIn: https://www.linkedin.com/company/ncac-kh
Facebook: facebook.com/ncackh
Telegram: https://t.me/ncackh